الحظ فى الحب ؟؟؟؟؟؟؟؟؟؟؟؟؟؟؟

النهاردة هناقش موضوع غريب شوية...لا ده غريب بجد اوووى
وهو الحظ في الحب؟؟

يمكن كتير مستغرب من العنوان
بس تعالوا نفضفض شوية كلنا مع بعض



بنسمع كتيير اوى حد بيقول انا مليش حظ في الحب
او ليا حظ في كل حاجة بس الحب... مليش حظ فيه

طيب يا تري يعنى ايه الحظ في الحب؟؟؟؟

احيانا بتحب حد اووووى فترة معينة من حياتك والحب ده قد يكون مسببللك عذاب جامد

جدااا وتنازل كتييير عن كرامتك ....ولما تنتهي الحدوتة وتسيبوا بعض
تكتشف انك كنت بتحبه علي الرغم انه مفيهوش صفات كتيير اوووى كنت بتحلم بيها
في فتى او فتاة احلامك قبل لما تقابله

وتبدا تسال نفسك....ازاى جريت ورا الحب ده؟؟ وليه عملت كده في نفسي؟؟
وهو انا حظى وحش اوووى في الحب لدرجة انى احب بجد بدون تفكير
وفي الاخر اكون انا الخسران؟؟


وتلاقي اكتر من حد بيحبك اوووى وعلي الرغم انهم ناس كويسين جدااا
ويمكن يكون في منهم مقارب جداااا لصورة فتى احلامك او فتاة احلامك

الا ان للاسف قلبك مدقش لحد فيهم

يا ترى ده كمان حظ؟؟؟


اما بقي من اكتر الامور الغريبة
وقد يكون اكترها غرابة فعلا

انك تبقي ماشي مش في دماغك اي حاجة
وتقابل ملاك ممكن مشفتش زيه قبل كده
وتلاقي نفسك بتتبادل النظرات معاه
وتحس انه عنده نفس الاحساس اللي عندك
وهو انك لقيت اخيرا الملاك اللي حلمت بيه

لكن متشفوش غير كام ساعة ومتقدرش تتكلم معاه وبعدها ممكن متشفوش تانى طول حياتك

تفتكر دي اشارة انك تصبر وانك اكيد هتلاقي حد زي الملاك اللي شفته
او زي اللي ياما حلمت بيه؟؟

ولا برده ملكش حظ في الحب؟؟


والسؤال

هل فعلا في حاجة اسمها حظ وده بيحدد بنسبة كبيرة ارتباطك باللي هيكون شريك حياتك؟؟؟؟؟

ولا الموضوع كله نصيب وقدر؟؟؟؟

ولو فيها حاجة اسمها حظ

طيب يا ترى حظك هيقع في اللي في باللك واللي ياما حلمت بيه؟؟
ولا حظك هيقع في حد تانى خالص وتبقي صدمة كبيرة ليك؟؟؟

ولا هتتجوز اي جوازة او جواز تقليدي
وتكتشف بعد كده انك ملكش حظ في الحب
وتضطر تعيش عشان حياة زوجية دون اي اعتبار بقي
لمعانى الحب والرومانسية او لظلم الشريك اللي معاك
واللي فاهم انك بتحبه او مش فاهم ده؟؟

ولا....العمر هيعدي بسرعة وتلاقي نفسك علي نهاية المطاف
ولسه بتقول مليش حظ في الحب؟؟



يا ترى تعمل ايه؟؟

وازاى تقدر تتغلب علي الفكرة دي بجد ومتستسلمش لفكرة الحظ في الحب؟؟؟
او يمعنى تانى

ازاى تقدر تحب بجد ويكون حب متكامل غير قابل للفشل
خاصة ان جرح القلب علاجه صعب اوووى؟؟

والاصعب انك تكمل حياتك مع حد مش بتحبه ؟؟

يا ترى من وجهة نظرك ايه هي المعايير اللي ممكن تحطها لنفسك عشان تختار صح؟؟

ولا احنا اتعودنا لازم نخوض تجارب عشان نتعلم
ومع انتهاء التجارب بتكون ماتت جوانا حجات ومعانى جميلة اوووى؟؟؟

يارب مكنش تقلت عليكم
ومستنىه ارائكم ووجهة نظركم والرسايل

>>>>>>>>>>>>>>>>>>>>>>>>>>

هو موضوع حلو اوى يا سمسمة وانا من ضمن الناس اللى ندمانين على انهم سابو ناس بيحبوهم وجريوا ورا حد مش عارفيين الحد دا بيحبو ولالا بس انا راى التغلب على الموضوع دا يبقى التركيز فى الشغل او الدراسة وحطى دايما فى دماغك ان اللى ربنا شايف انو فى مصلحتك اكيد هيعملهولك وفكرى ليه ربنا بعدنى عن الحد دا مش يمكن يكون الحد دا مش كويس وربنا بعدنى عنو عشان ربنا بيحبنى او فى حد احسن منو وهو دا اللى ممكن يسعدنى

دا يا جماعة رايى الشخصى

3HM